റോയല് ചലഞ്ചേഴ്സ് ബാംഗ്ലൂരിന്റെ മുഖ്യ കോച്ചെന്ന പദവിയിൽ നിന്ന് മുന് ഓസ്ട്രേലിയന് താരം സൈമൺ കാറ്റിച്ച് ഒഴിയുന്നു. വ്യക്തിപരമായ കാരണങ്ങളാലാണ് ഈ തീരുമാനം. ഇതോടെ മൈക്ക് ഹെസ്സൺ ടീമിന്റെ മുഖ്യ കോച്ചെന്ന് അധിക ചുമതല കൂടി ഈ സീസണിൽ വഹിക്കും.
നിലവിൽ ടീമിന്റെ ഡയറക്ടര് ഓഫ് ക്രിക്കറ്റാണ് ഹെസ്സൺ. ഐപിഎലിന്റെ രണ്ടാം പാതി ദുബായിയിൽ സെപ്റ്റംബര് പകുതിയോടെ ആരംഭിക്കുവാനിരിക്കുമ്പോളാണ് ഈ കാറ്റിച്ച് സ്ഥാനം ഒഴിയുന്നത്. പുതിയ കോച്ചിനെ നിയമിക്കുവാന് അധികം സമയമില്ലാത്തതിനാലാണ് ആര്സിബി ഈ നീക്കം നടത്തിയിരിക്കുന്നത്.
ആഡം സാംപയ്ക്ക് പകരം ടീം ശ്രീലങ്കന് ഓള്റൗണ്ടര് വനിന്ഡു ഹസരംഗയെ സ്വന്തമാക്കിയിട്ടുണ്ട്. കെയിന് റിച്ചാര്ഡ്സണ് പകരം ദുഷ്മന്ത ചമീരയും ഫിന് അല്ലെന് പകരം ടിം ഡേവിഡിനെയും ടീം സ്വന്തമാക്കിയിട്ടുണ്ട്.