ഈ സീസണില്‍ ശുഭ്മന്‍ ഗില്‍ കൊല്‍ക്കത്തയുടെ നേതൃത്വ സംഘത്തിന്റെ ഭാഗമാകും – ബ്രണ്ടന്‍ മക്കല്ലം

Sports Correspondent

Download the Fanport app now!
Appstore Badge
Google Play Badge 1

ഇന്ത്യയുടെ ഭാവി താരമെന്ന് വിശേഷിപ്പിക്കപ്പെടുന്ന താരമാണ് ശുഭ്മന്‍ ഗില്‍. താരം ഇത്തവണ കൊല്‍ക്കത്ത നൈറ്റ് റൈഡേഴ്സിന്റെ നേതൃത്വ സംഘത്തിന്റെ ഭാഗമാകുമെന്നാണ് ടീം കോച്ച് ബ്രണ്ടന്‍ മക്കല്ലം പറയുന്നത്. ഈ സീസണില്‍ തങ്ങള്‍ ഉറ്റുനോക്കുന്ന താരങ്ങളിലൊരാള്‍ ശുഭ്മന്‍ ഗില്‍ ആണെന്ന് മുന്‍ ന്യൂസിലാണ്ട് താരം വ്യക്തമാക്കി.

ഈ വര്‍ഷം ചെറിയ തോതിലെങ്കിലും താരത്തെ ടീമിന്റെ നേതൃത്വ ഗ്രൂപ്പില്‍ ഉള്‍പ്പെടുത്തുമെന്നും ബ്രണ്ടന്‍ മക്കല്ലം വ്യക്തമാക്കി. യുവതാരമാണെങ്കിലും ഏറെക്കാലമായി കളത്തില്‍ നിറഞ്ഞ് നില്‍ക്കുന്ന താരം മികച്ചൊരു നായകന്‍ കൂടിയാവുമെന്നാണ് തന്റെ വിശ്വാസമെന്ന് മക്കല്ലം പറഞ്ഞു.

പല തരത്തിലുള്ള ചിന്തകര്‍ ടീമിലുള്ളത് ഗുണമാണെന്നും താരത്തെ ഈ സംഘത്തിന്റെ ഭാഗമാക്കി ഈ സീസണില്‍ ഉപയോഗിക്കുവാനാണ് തങ്ങള്‍ തീരുമാനിച്ചിരിക്കുന്നതെന്നും മക്കല്ലം വ്യക്തമാക്കി.