മുംബൈ ഇന്ത്യൻസുമായി വേർപിരിഞ്ഞ മുൻ ന്യൂസിലൻഡ് ഫാസ്റ്റ് ബൗളർ ഷെയ്ൻ ബോണ്ട് ഇനി രാജസ്ഥാൻ റോയൽസിനൊപ്പം. രാജസ്ഥാൻ ബോണ്ടിനെ ബൗളിംഗ് കോച്ചും ഒപ്പം അസിസ്റ്റന്റ് കോച്ചുമായും നിയമിച്ചു. രാജസ്ഥാൻ റോയൽസിന്റെ ബൗളിംഗ് കോച്ചായിരുന്ന മലിംഗയെ മുംബൈ ഇന്ത്യൻസ് സ്വന്തമാക്കിയിരുന്നു. അതിനു പിന്നാലെയാണ് മുംബൈ ഇന്ത്യൻസിന്റെ കോച്ചായിരുന്ന ബോണ്ടിനെ രാജസ്ഥാൻ റാഞ്ചിയത്.
ഷെയ്ൻ ബോണ്ട് തങ്ങളുടെ ഫ്രാഞ്ചൈസിയിൽ ചേരുന്ന വിവരം രാജസ്ഥാൻ റോയൽസ് ഇന്ന് ഔദ്യോഗികമായി സ്ഥിരീകരിച്ചു. അവസാന രണ്ടു സീസണിലും മലിംഗ ആയിരുന്നു അവരുടെ ബൗളിംഗ് കോച്ച്. ഷെയിൻ ബോണ്ട് 2015 മുതൽ മുംബൈ ഇന്ത്യൻസിനൊപ്പം ഉണ്ടായിരുന്നു. നാലു കിരീടങ്ങൾ മുംബൈയെ നേടാൻ അദ്ദേഹം സഹായിച്ചിരുന്നു.