രാജസ്ഥാൻ റോയൽസിനെ ഇന്ന് വിജയത്തിലേക്ക് നയിച്ച് സഞ്ജു സാംസൺ റഷീദ് ഖാനെ അടിച്ചു പറത്തിയത് ഏവരെയും ഞെട്ടിച്ചു. ടി20യിലെ ഏറ്റവും മികച്ച ബൗളറെ ഒരു ബൗണ്ടറി അടിക്കുക തന്നെ വലിയ പാടാണെന്നിരിക്കെ സഞ്ജു സാംസൺ നാലു തവണയാണ് സിക്സ് അടിച്ചത്. അതിൽ ഹാട്രിക്ക് സിക്സും ഉൾപ്പെടുന്നു. റഷീദ് ഖാനെ ഐ പി എല്ലിൽ ഹാട്രിക്ക് സിക്സ് അടിക്കുന്ന രണ്ടാമത്തെ താരം മാത്രമാണ് സഞ്ജു സാംസൺ.
ഇതിനു മുമ്പ് ഗെയ്ല് ആണ് റഷീദ് ഖാനെ ഹാട്രിക്ക് സിക്സ് ഐ പി എല്ലിൽ അടിച്ചത്. പണ്ട് പഞ്ചാബിനായി ഗെയ്ല് കളിക്കുന്നതിനിടയിൽ ആയിരുന്നു അത്. അന്ന് ഗെയ്ല് റഷീദ് ഖാനെ നാലു സിക്സുകൾ തുടർച്ചയായി അടിച്ചിരുന്നു. ഇന്ന് സഞ്ജു സാംസൺ ആകെ 6 സിക്സുകൾ കളിയിൽ അടിച്ചു. 32 പന്തിൽ 60 റൺസ് എടുത്താണ് സഞ്ജു മടങ്ങിയത്. കളിയിൽ മൂന്ന് വിക്കറ്റും നാലും പന്തും ശേഷിക്കെ ആണ് രാജസ്ഥാൻ ജയിച്ചത്