ഇന്ത്യൻ പ്രീമിയർ ലീഗിൽ ഇന്ന് സഞ്ജു സാംസന്റെ രാജസ്ഥാൻ റോയൽസ് അവരുടെ നാലാം മത്സരത്തിനായി ഇറങ്ങുന്നു. ആർ സി ബിയെ ആണ് ഇന്ന് രാജസ്ഥാൻ നേരിടുക. ജയ്പൂരിൽ വച്ചാകും മത്സരം. ജയ്പൂരിൽ കളിച്ച മൂന്നു മത്സരങ്ങളും വിജയിച്ച രാജസ്ഥാൻ റോയൽസ് ഇന്ന് വിജയിച്ചാൽ ഒന്നാം സ്ഥാനത്ത് തിരികെയെത്തും.
ഇതിനുമുമ്പ് ജയ്പൂരിൽ നടന്ന രണ്ട് മത്സരങ്ങളിലും രാജസ്ഥാൻ വിജയിച്ചിരുന്നു. മികച്ച ഫോമിലുള്ള റയാൻ പരാഗും പിന്നെ അവരുടെ ബൗളേഴ്സിലും ആണ് രാജസ്ഥാൻ റോയൽസിന്റെ പ്രതീക്ഷ. അവരുടെ ഓപ്പണർമാരായ ബട്ലറും ജയ്സ്വാളും ഇന്നെങ്കിലും ഫോമിൽ എത്തും എന്ന് അവർ പ്രതീക്ഷിക്കുന്നു. സഞ്ജുവും ആദ്യ മത്സരത്തിനു ശേഷം വലിയ സ്കോറുകൾ നേടിയിട്ടില്ല.
മറുവശത്ത് ആർസിബി കളിച്ച നാലു മത്സരങ്ങളിൽ മൂന്നും പരാജയപ്പെട്ടാണ് എത്തുന്നത്. അവസാന സീസണിൽ ജയ്പൂരിൽ വച്ച് രാജസ്ഥാനെ നേരിട്ടപ്പോൾ വലിയ വിജയം നേടിയ ആത്മവിശ്വാസം ആർ സി ബിക്ക് ഒപ്പം ഉണ്ടാകും. വിരാട് കോഹ്ലി അല്ലാതെ അവരുടെ മുൻനിര ബാറ്റർമാർ ആരും തിളങ്ങാത്തതാണ് ആർസിബി തിരിച്ചടിയാവുന്നത്. അവരുടെ ബോളർമാരും ഇതുവരെ നിരാശയാർന്ന പ്രകടനമാണ് കാഴ്ചവച്ചത്.
ഇന്ന് രാത്രി 7 30ന് നടക്കുന്ന മത്സരം തൽസമയം ജിയോ സിനിമയിൽ സൗജന്യമായി കാണാം