ഇന്ന് റോയൽ ചലഞ്ചേഴ്സ് ബാംഗ്ലൂരിനെതിരെ പഞ്ചാബ് കിംഗ്സ് അവരുടെ മികച്ച നിലവാരം പുലർത്തിയില്ല എന്ന് പഞ്ചാബ് താരം സാം കറാൻ പറഞ്ഞു. ഇന്ന് ആർസിബിയോട് 24 റൺസിന് പഞ്ചാബ് പരാജയപ്പെട്ടിരുന്നു. ഇന്ന് അർധസെഞ്ചുറികൾ നേടിയ ആർ സി ബി താരങ്ങളായ ഫാഫ് ഡു പ്ലെസിസിനെയും വിരാട് കോഹ്ലിയെയും സാം കറാൻ പ്രശംസിക്കുകയും ചെയ്തു.
“ഞങ്ങൾ ഒരു ഗ്രൂപ്പായി നന്നായി പന്തെറിഞ്ഞു. പക്ഷെ ഫാഫും വിരാടും കളിച്ച രീതി മികച്ചതായിരുന്നു. അവർ വലിയ സ്കോർ നേടി എന്ന് ഞാൻ കരുതുന്നില്ല. ഞങ്ങൾ വേണ്ടത്ര നന്നായി ബാറ്റ് ചെയ്തില്ല. അവർ നന്നായി പന്തെറിഞ്ഞു, ഞങ്ങൾക്ക് വിക്കറ്റുകളും വേഗം നഷ്ടപ്പെട്ടു,” മത്സരത്തിന് ശേഷം കുറാൻ പറഞ്ഞു.