ഇന്ത്യന്‍ ടീമിൽ നിന്ന് ഒഴിവാക്കപ്പെട്ട വൃദ്ധിമന്‍ സാഹ താന്‍ ഇനി ഐപിഎലിലും പ്രാദേശിക ക്രിക്കറ്റിലും ആവും കൂടുതൽ ശ്രദ്ധ ചെലുത്തുക എന്ന് പറഞ്ഞു. ഗുജറാത്ത് ടൈറ്റന്‍സിനൊപ്പം ഐപിഎല്‍ കിരീടം നേടിയ താരം ടീമിനായി പല ശ്രദ്ധേയമായ ഇന്നിംഗ്സുകളും കളിച്ചിരുന്നു.
തന്നോട് ഇന്ത്യന്‍ മാനേജ്മെന്റ് ഇനി ടീമിലേക്ക് പരിഗണിക്കല്ലെന്ന് അറിയിച്ചതിനാൽ തന്നെ പ്രാദേശിക ക്രിക്കറ്റിലും ഐപിഎലിലും ആവും ഇനി കൂടുതൽ ശ്രദ്ധിക്കുക. തനിക്ക് തന്റെ കുടുംബത്തോടൊപ്പം ഗുണമേന്മയുള്ള സമയം ചെലവഴിക്കണം എന്നാണ് ഇപ്പോളത്തെ ആഗ്രഹം എന്നും താരം വ്യക്തമാക്കി.
രഞ്ജി ട്രോഫി ക്വാര്‍ട്ടര്‍ ഫൈനലില്‍ താന്‍ കളിക്കില്ലെന്ന് സാഹ അറിയിച്ചിരുന്നു.
