ഐ പിഎല്ലിൽ കിരീടത്തിലേക്ക് എത്താൻ ആയില്ല എങ്കിലും ഈ സീസണിലും സമീപ സീസണുകളിലും രാജസ്ഥാൻ റോയൽസ് മികച്ച നിലവാരം ആണ് പുലർത്തുന്നത് എന്ന് സഞ്ജു സാംസൺ പറഞ്ഞു. അവസാന മൂന്നു സീസണുകളിൽ ആയി ക്ലബ് ഒരു നല്ല പ്രൊജക്ട് ആണ് ഉയർത്തുന്നത്. ഇന്ത്യക്ക് ആയി നല്ല താരങ്ങളെ വളർത്താൻ ക്ലബിനാകുന്നുണ്ട്. സഞ്ജു പറഞ്ഞു.
“ഈ സീസണിൽ മാത്രമല്ല, കഴിഞ്ഞ മൂന്ന് വർഷമായി ഞങ്ങൾക്ക് ചില മികച്ച മത്സരങ്ങൾ കളിക്കാൻ കഴിഞ്ഞു. ഇത് ഞങ്ങളുടെ ഫ്രാഞ്ചൈസിക്ക് ഒരു മികച്ച പ്രോജക്റ്റാണ്. രാജ്യത്തിന് വേണ്ടി മികച്ച ചില നല്ല പ്രതിഭകളെ ഞങ്ങൾ കണ്ടെത്തിയിട്ടുണ്ട്.” സഞ്ജു പറയുന്നു.
“റിയാൻ പരാഗ്, ധ്രുവ് ജുറൽ എന്നിവരും അവരിൽ പലരും RR-ന് മാത്രമല്ല, തീർച്ചയായും ഇന്ത്യൻ ക്രിക്കറ്റ് ടീമിനും വളരെ പ്രതീക്ഷയായി മാറുന്ന താരങ്ങൾ ആണെന്ന് ഞാൻ വിശ്വസിക്കുന്നു. കഴിഞ്ഞ മൂന്ന് വർഷമായി ഞങ്ങൾക്ക് നല്ല മികച്ച സീസണുകൾ ആണ് കഴിഞ്ഞു പോയത്.” സഞ്ജു കൂട്ടിച്ചേർത്തു.