ഇന്ത്യൻ പ്രീമിയർ ലീഗിൽ 6000 റൺസ് തികയ്ക്കുന്ന നാലാമത്തെ ബാറ്ററായി രോഹിത് ശർമ്മ. ഇന്ന് സൺറൈസേഴ്സ് ഹൈദരാബാദിനെതിരായ മത്സരത്തിന് ഇടയിലാണ് രോഹിത് ഈ കടമ്പ കടന്നത്. ഈ നാഴികക്കല്ലിലെത്താൻ 14 റൺസ് വേണ്ടിയിരുന്ന രോഹിതിന് ഇന്ന് 28 റൺസ് നേടാൻ ആയി.
റോയൽ ചലഞ്ചേഴ്സ് ബാംഗ്ലൂരിന്റെ (ആർസിബി) വിരാട് കോഹ്ലി, ഡൽഹി ക്യാപിറ്റൽസിന്റെ (ഡിസി) ഡേവിഡ് വാർണർ, പഞ്ചാബ് കിംഗ്സിന്റെ (പിബികെഎസ്) ശിഖർ ധവാൻ എന്നിവരാണ് ഐ പി എല്ലിൽ 6000 ക്ലബ്ബിലെ മറ്റ് ബാറ്റർമാർ.
തന്റെ 227-ാം ഐപിഎൽ ഇന്നിംഗ്സിൽ ആയിരുന്നു രോഹിത് ഈ നേട്ടത്തിൽ എത്തിയത്. 6000 എടുക്കാൻ ഏറ്റവും വേഗത കൂടുതൽ ഇന്നിംഗ്സ് വേണ്ടി വന്നത് രോഹിതിനാണ്.