ഐപിഎലിലെ രണ്ടാം വിജയം നേടി ആര്സിബി. 207 റൺസ് വിജയലക്ഷ്യം തേടിയിറങ്ങിയ സൺറൈസേഴ്സിന് 171 റൺസ് മാത്രമേ നേടാനായുള്ളു. 35 റൺസിന്റെ വലിയ വിജയം ആണ് സൺറൈസേഴ്സിനെതിരെ ആര്സിബി നേടിയത്. ടോപ് ഓര്ഡറിൽ അഭിഷേക് ശര്മ്മയും ഇന്നിംഗ്സിന്റെ അവസാനത്തോടെ പാറ്റ് കമ്മിന്സും മാത്രമാണ് സൺറൈസേഴ്സ് നിരയിൽ പൊരുതി നിന്നത്.
85/6 എന്ന നിലയിലേക്ക് തകര്ന്ന സൺറൈസേഴ്സിനെ പാറ്റ് കമ്മിന്സ് വലിയ ഷോട്ടുകള് ഉതിര്ത്ത് പ്രതീക്ഷ നൽകിയെങ്കിലും താരത്തിന് മറുവശത്ത് വേണ്ടത്ര പിന്തുണ നൽകുവാന് ആളില്ലായിരുന്നു. 39 റൺസാണ് ഏഴാം വിക്കറ്റ് കൂട്ടുകെട്ട് നേടിയത്.
15 പന്തിൽ 31 റൺസായിരുന്നു പാറ്റ് കമ്മിന്സ് നേടിയത്. 40 റൺസ് നേടിയ ഷഹ്ബാസ് അഹമ്മദ് സൺറൈസേഴ്സിന്റെ ടോപ് സ്കോറര്.