ചെന്നൈ ബാറ്റ്സ്മാന്മാര് മികച്ച തുടക്കമാണ് നല്കിയതെങ്കിലും ഇന്നിംഗ്സിന്റെ അവസാനത്തോടെ സണ്റൈസേഴ്സ് ബൗളര്മാര് ഉയര്ത്തിയ ചെറുത്ത്നില്പ് മത്സരത്തില് നിന്നുള്ള പോസിറ്റീവ് കാര്യമാണെന്ന് പറഞ്ഞ് ഡേവിഡ് വാര്ണര്.
കുറച്ച് സമ്മര്ദ്ദം സൃഷ്ടിക്കുവാന് റഷീദ് ഖാന് നേടിയ വിക്കറ്റുകള്ക്ക് ശേഷം ടീമിന് സാധിച്ചുവെങ്കിലും ചെന്നൈയുടെ ഓപ്പണര്മാര് നല്കിയ തുടക്കം ടീമിന് മികച്ച ആധിപത്യമാണ് നല്കിയതെന്നും ഡേവിഡ് വാര്ണര് വ്യക്തമാക്കി.
നാലോവറില് 36 റണ്സ് വിട്ട് നല്കിയ റഷീദ് ഖാന് മൂന്ന് വിക്കറ്റാണ് നേടിയത്. തന്റെ മൂന്നാം ഓവറില് റുതുരാജിനെയും അവസാന ഓവറില് മോയിന് അലിയെയും ഫാഫ് ഡു പ്ലെസിയെയും അടുത്തടുത്ത പന്തുകളില് താരം പുറത്താകുകയായിരുന്നുവെങ്കിലും മത്സരത്തില് ചെന്നൈ വ്യക്തമായ മേല്ക്കൈ ഉറപ്പാക്കികഴിഞ്ഞിരുന്നു ആ ഘട്ടത്തില്.