വാങ്കഡെ സ്റ്റേഡിയത്തിൽ നടന്ന ഐപിഎൽ മത്സരത്തിൽ, മുംബൈ ഇന്ത്യൻസിനെതിരെ, പുറത്താകാതെ 79 റൺസ് നേടിയ റാഷിദ് ഖാൻ ഇത് താൻ ഒരിക്കലും മറക്കാത്ത ഇന്നിംഗ്സ് ആണെന്ന് പറഞ്ഞു. ഇന്ത്യൻ പ്രീമിയർ ലീഗ് (ഐപിഎൽ) ചരിത്രത്ത ഒരു എട്ടാം നമ്പർ ബാറ്ററുടെ എക്കാലത്തെയും ഉയർന്ന സ്കോറാണ് റാഷിദ് ഇന്നലെ നേടിയത്. 32 പന്തിൽ നിന്ന് 10 സിക്സ് അടിച്ച റാഷിദ് ഖാൻ പുറത്താകാതെ 79 റൺസ് ആണ് നേടിയത്.
“ഇത് അവിസ്മരണീയമായ ഇന്നിംഗ്സുകളിൽ ഒന്നാണ്. നിങ്ങളുടെ സ്നേഹത്തിനും പിന്തുണയ്ക്കും നന്ദി” റാഷിദ് തന്റെ സോഷ്യൽ മീഡിയ ഹാൻഡിലിലൂടെ പറഞ്ഞു. ഇനെ 219 റൺസ് എന്ന കൂറ്റൻ വിജയലക്ഷ്യം പിന്തുടർന്ന ഗുജറാത്ത് ഒരു ഘട്ടത്തിൽ 103/8 എന്ന നിലയിൽ ആയിരുന്നു. അവിടെ നിന്ന് ഒറ്റയ്ക്ക് അടിച്ചു കളിച്ച റാഷിദ് 191ലേക്ക് ഗുജറാത്തിനെ എത്തിച്ചിരുന്നു. ഇന്നലെ ബൗളു കൊണ്ട് നാലു വിക്കറ്റ് നേടാനും റാഷിദിനായിരുന്നു.