ഗുജറാത്ത് ടൈറ്റൻസ് സ്പിന്നർ റാഷിദ് ഖാനെ പുകഴ്ത്തി മുൻ ഇന്ത്യൻ സ്പിന്നർ ഹർഭജൻ സിംഗ്. റാഷിദ് ഖാൻ വേറെ ലീഗ് ആണെന്നും അദ്ദേഹത്തെ പോലൊരു താരത്തെ കിട്ടിയത് ഗുജറാത്തിന്റെ ഭാഗ്യമാണെന്നും ഹർഭജൻ പറഞ്ഞു.
“റാഷിദ് ഖാൻ വ്യത്യസ്തമായ ഒരു ലീഗിൽ നിന്നുള്ള കളിക്കാരനാണ്. അവൻ അനേകം വിക്കറ്റുകൾ വീഴ്ത്തുന്നു, അവൻ റൺസ് നേടുന്നു, അവൻ ഒരു അപാര ഫീൽഡറാണ്, ക്യാപ്റ്റൻ ഹാർദിക് ഇല്ലാത്തോഴെല്ലാം അദ്ദേഹം ഗുജറാത്തിനെ നയിച്ചു.” ഹർഭജൻ പറയുന്നു. “റാഷിദ് എല്ലാം ചെയ്തു, മികച്ചുനിന്നു. ഗുജറാത്തിന് റാഷിദിനെ പോലൊരു താരത്തെ കിട്ടാൻ അസാധാരണമായി ഭാഗ്യമുണ്ട്.” ഹർഭജൻ പറഞ്ഞു.
ഗുജറാത്തിന്റെ പേസർ മുഹമ്മദ് ഷമിയെയും ഹർഭജൻ പുകഴ്ത്തി. എല്ലാ ടീമുകളും അവനെപ്പോലെ ഒരു ബൗളർ ഉണ്ടായിരിക്കണമെന്ന് ആഗ്രഹിക്കുന്നു എന്ന് ഹർഭജൻ പറഞ്ഞു. ഈ സീസണിൽ 15 മത്സരങ്ങളിൽ നിന്ന് 26 വിക്കറ്റ് വീഴ്ത്താൻ ഷമിക്ക് ആയിട്ടുണ്ട്.