ബാംഗ്ലൂരിനെയും മുംബൈയെയും മറികടന്ന് രാജസ്ഥാന്‍, ട്രെന്റ് ബോള്‍ട്ട് സഞ്ജുവിന് കീഴിൽ കളിക്കും

മുന്‍ മുംബൈ ഇന്ത്യന്‍സ് താരം ട്രെന്റ് ബോള്‍ട്ടിനെ സ്വന്തമാക്കി രാജസ്ഥാന്‍ റോയൽസ്. 2 കോടി അടിസ്ഥാന വിലയുള്ള താരത്തിനായി റോയൽ ചലഞ്ചേഴ്സ് ബാംഗ്ലൂരാണ് ആദ്യം രംഗത്തെത്തിയത്. ഉടന്‍ തന്നെ രാജസ്ഥാന്‍ റോയൽസും രംഗത്തെത്തി.

5.50 കോടി രൂപയിൽ ട്രെന്റ് ബോള്‍ട്ടിൽ ആര്‍സിബി താല്പര്യം ഉപേക്ഷിച്ചപ്പോള്‍ മുംബൈ രംഗത്തേക്ക് എത്തുകയായിരുന്നു. എന്നാൽ 8 കോടിയ്ക്ക് രാജസ്ഥാന്‍ റോയൽസ് മുംബൈയുടെ മുന്‍ നിര പേസറെ സ്വന്തമാക്കി.