ന്യൂസിലാണ്ട് താരം രച്ചിന് രവീന്ദ്ര തന്റെ ആദ്യ ഐപിഎൽ സീസണിൽ ചെന്നൈ സൂപ്പര് കിംഗ്സിന് വേണ്ടി കളിയ്ക്കും. 50 ലക്ഷം അടിസ്ഥാന വിലയുള്ള താരത്തിനെ 1.8 കോടി രൂപയ്ക്കാണ് ചെന്നൈ സ്വന്തമാക്കിയത്. ചെന്നൈ സൂപ്പര് കിംഗ്സ് ആണ് 50 ലക്ഷത്തിന് താരത്തെ സ്വന്തമാക്കുവാന് ആദ്യം രംഗത്തെത്തിയത്. ഉടന് തന്നെ ഡൽഹി ക്യാപിറ്റൽസ് രംഗത്തെത്തി.
വില ഒരു കോടിയിൽ നിൽക്കുമ്പോള് ഡൽഹി ലേലത്തിൽ നിന്ന് പിന്മാറിയെങ്കിലും പഞ്ചാബ് ചെന്നൈയുമായി പോരിന് ഇറങ്ങി. എന്നാൽ പഞ്ചാബും പിന്മാറിയതോടെ താരം ചെന്നൈ നിരയിലേക്ക് എത്തി. ലോകകപ്പിലെ മികച്ച പ്രകടനം താരത്തിന് തുണയാകുകയായിരുന്നു.