ഇന്ത്യൻ പ്രീമിയർ ലീഗ് താരലേലത്തിൽ ഡൽഹി പ്രീമിയർ ലീഗിൽ ഒരോവറിൽ 6 സിക്സറുകൾ നേടി ശ്രദ്ധ പിടിച്ചു പറ്റിയ വെടിക്കെട്ട് താരം പ്രിയാൻഷ് ആര്യയെ 3.8 കോടിക്ക് സ്വന്തമാക്കി പഞ്ചാബ് കിങ്സ്. ഡൽഹി പ്രീമിയർ ലീഗിൽ മികവ് കാണിച്ച താരം സെയ്ദ് മുഷ്താഖ് അലി ട്രോഫിയിൽ ഉത്തർപ്രദേശിനു എതിരെ ഡൽഹിക്ക് ആയി ശതകവും നേടിയിരുന്നു.
30 ലക്ഷം അടിസ്ഥാന വിലയുള്ള താരത്തിന് ആയി പഞ്ചാബ് ആദ്യം മുതലെ രംഗത്ത് ഉണ്ടായിരുന്നു. തുടർന്ന് താരത്തിന് ആയി രംഗത്ത് വന്ന മറ്റു ടീമുകളുടെ വെല്ലുവിളി അതിജീവിച്ചു ആണ് പഞ്ചാബ് യുവതാരത്തെ ടീമിൽ എത്തിച്ചത്. താരം നിലവിൽ കാണിച്ച മികവ് ഇന്ത്യൻ പ്രീമിയർ ലീഗിൽ നിലനിർത്തും എന്നാണ് പഞ്ചാബ് പ്രതീക്ഷ.