ഐപിഎല്‍ തുടര്‍ന്നത് ശരിയായിരുന്നു, അത് ആളുകളെ വീട്ടിലിരിക്കുവാന്‍ സഹായിച്ചു – പാറ്റ് കമ്മിന്‍സ്

Sports Correspondent

Download the Fanport app now!
Appstore Badge
Google Play Badge 1

ഇന്ത്യയില്‍ കോവിഡ് വ്യാപിച്ചപ്പോളും സുരക്ഷിതമായ ബയോ ബബിളില്‍ കളി തുടര്‍ന്നത് ശരിയായ തീരുമാനമെന്ന് പറഞ്ഞ് ഓസ്ട്രേലിയന്‍ താരവും കൊല്‍ക്കത്ത നൈറ്റ് റൈഡേഴ്സിന്റെ വിദേശ താരവുമായ പാറ്റ് കമ്മിന്‍സ്. ബയോ ബബിളിലും കോവിഡ് എത്തിയതോടെയാണ് ഐപിഎല്‍ നിര്‍ത്തുവാന്‍ ബിസിസിഐ തീരുമാനിച്ചത്.

ഇന്ത്യയില്‍ താനൊരിക്കലും അസുരക്ഷിതനാണെന്ന് തോന്നിയിട്ടില്ലെന്നും ഐപിഎല്‍ നടന്നതിനാല്‍ ഏറെ ആളുകള്‍ വീട്ടില്‍ തന്നെ ഇരുന്നുവെന്നും ഇത്രയധികം കോവിഡ് കേസുകള്‍ക്കിടയില്‍ ഐപിഎല്‍ നടത്തരുതെന്ന് പറഞ്ഞതിനോട് തനിക്ക് യോജിക്കുവാനാകുന്നില്ലെന്നും പാറ്റ് കമ്മിന്‍സ് വ്യക്തമാക്കി.

നാല് മണിക്കൂറുകളോളം ആണ് ആളുകള്‍ ഐപിഎല്‍ കാണുന്നതിനായി എല്ലാ ദിവസവും രാത്രി വീടുകളില്‍ ഇരുന്നിരുന്നതെന്നും ഇന്ത്യയിലെ ആളുകളുടെയും ഭൂരിഭാഗം അഭിപ്രായം അത് തുടരണമെന്നായിരുന്നുവെന്നും പാറ്റ് കമ്മിന്‍സ് വ്യക്തമാക്കി.

പല ആളുകളുടെയും ദൈനംദിന ജീവിതചര്യയുടെ ഭാഗമായിരുന്നു ഐപിഎല്‍ എന്നാണ് തനിക്ക് മനസ്സിലാക്കുവാനായതെന്നും പാറ്റ് കമ്മിന്‍സ് വ്യക്തമാക്കി.