മോശം ഷോട്ടുകളാണ് ടീമിന്റെ തകര്ച്ചയ്ക്ക് കാരണമെന്ന് വ്യക്തമാക്കി ഡല്ഹി ക്യാപിറ്റല്സ് കോച്ച് റിക്കി പോണ്ടിംഗ്. ഒരു കോച്ചെന്ന നിലയില് അനുവദനീയമായ ഒരു പ്രകടനമായിരുന്നില്ല ടീമില് നിന്ന് ഇന്നലെയുണ്ടായത്. അത് അംഗീകരിക്കാനാകില്ല. പൃഥ്വി ഷായുടെ ഷോട്ട് സെലക്ഷന് തീരെ മോശമായിരുന്നു. ഈ പിച്ചില് പൃഥ്വിയുടെ ഷോട്ട് നിരുത്തരവാദിത്വപരമായിരുന്നുവെന്ന് വേണം കരുതുവാന്.
ഋഷഭ് പന്തും ശ്രേയസ്സ് അയ്യരും യുവ താരങ്ങളാണെന്ന് പറയുന്നതിനോട് എനിക്ക് യോജിപ്പില്ല, ഇരുവരും അഞ്ച്-ആറ് സീസണുകള് ഐപിഎല് തന്നെ കളിച്ചിട്ടുള്ള താരമാണ് ഇരുവരും. എല്ലാ താരങ്ങളും മെച്ചപ്പെട്ട രീതിയില് ബാറ്റ് വീശേണ്ടതുണ്ട്. ഡല്ഹി ക്യാപിറ്റല്സിന്റെ ബാറ്റിംഗ് ശക്തി നോക്കിയാല് 129 എന്നൊരു സ്കോര് ഒരിക്കലും അംഗീകരിക്കാനാകാത്തതാണ്. ഈ പ്രകടനം ഒരു കോച്ചെന്ന നിലയില് എന്നെ വ്യാകുലപ്പെടുത്തുന്നുവെന്നും പോണ്ടിംഗ് വ്യക്തമാക്കി.