ഷെയിന് വാട്സണ് ബാറ്റ് ചെയ്ത രീതിയില് താരത്തെ തളയ്ക്കുവാന് തങ്ങള്ക്കൊന്നും ചെയ്യാനായില്ല എന്ന തുറന്ന് പറഞ്ഞ് ഭുവനേശ്വര് കുമാര്. അത് കൂടാതെ റഷീദ് ഖാന് മോശം ദിവസം കൂടിയായപ്പോള് ചെന്നൈയെ തളയ്ക്കുവാന് സണ്റൈസേഴ്സ് ഹൈദ്രാബാദിനു ആയില്ല എന്ന് ടീം നായകന് ഭുവനേശ്വര് കുമാര് പറയുകയായിരുന്നു.
റഷീദ് ഖാന് 44 റണ്സാണ് 4 ഓവറില് നിന്ന് വഴങ്ങിയത്. 1 വിക്കറ്റ് മാത്രമാണ് താരത്തിനു നേടാനായത്. സുരേഷ് റെയ്നയുടെ നിര്ണ്ണായക വിക്കറ്റ് താരം നേടിയെങ്കിലും വാട്സണിനെതിരെ കാര്യമായി ഒന്നും തന്നെ റഷീദ് ഖാനിനും ചെയ്യാനായില്ല. 4 ഓവറില് 27 റണ്സ് വഴങ്ങിയ ഷാക്കിബ് അല് ഹസനും 4 ഓവറില് 26 റണ്സ് വഴങ്ങിയ ഖലീല് അഹമ്മദും മാത്രമാണ് സണ്റൈസേഴ്സ് ബൗളര്മാരില് തിളങ്ങിയത്.