റോയൽ ചലഞ്ചേഴ്സിന്റെ മൂന്നാം നമ്പറിലേക്ക് ഗ്ലെന് മാക്സ്വെല്ലിന് മുമ്പ് പരീക്ഷിക്കപ്പെട്ട താരമാണ് ശ്രീകര് ഭരത്. ആദ്യ മത്സരങ്ങളിൽ പരാജയപ്പെട്ട താരം പിന്നീട് നിര്ണ്ണായക ഇന്നിംഗ്സുകളുമായി ടീമില് സ്ഥാനം ഉറപ്പിക്കുകയായിരുന്നു.
ഇന്നലെ റോയൽ ചലഞ്ചേഴ്സ് ബാംഗ്ലൂരിനെതിരെ നിര്ണ്ണായകമായ കൂട്ടുകെട്ടുകള് നേടി ഭരത് മാക്സ്വെല്ലിനൊപ്പം ടീമിന്റെ വിജയം ഉറപ്പാക്കുകയായിരുന്നു. ഇരുവരും ചേര്ന്ന് 69 റൺസാണ് മൂന്നാം വിക്കറ്റിൽ നേടിയത്.
മൂന്നാം നമ്പര് സ്ഥാനം മനോഹരമായ ഒരു സ്ഥാനമാണെന്നും തനിക്ക് നല്കിയ ദൗത്യം കൂട്ടുകെട്ടുകള് സൃഷ്ടിക്കുക എന്നതായിരുന്നുവെന്നും ഭരത് പറഞ്ഞു. വിരാട്, മാക്സ്വെൽ, എബിഡി എന്നിവര്ക്കൊപ്പം കളിക്കുമ്പോള് ക്രിക്കറ്റിൽ ഏറെക്കാര്യങ്ങള് പഠിക്കാനാകുമെന്നും ഭരത് കൂട്ടിചേര്ത്തു.