ചെന്നൈ സൂപ്പർ കിംഗ്സ് (CSK) മുൻനിര പേസർ മുസ്തഫിസുർ റഹ്മാൻ ബംഗ്ലാദേശിലേക്ക് മടങ്ങി. ഏപ്രിൽ 5ന് സൺ റൈസേഴ്സിനെ നേരിടുന്ന സി എസ് കെയ്ക്ക് ഈ നീക്കം ആശങ്ക നൽകും. ഈ സീസണിൽ ഇപ്പോൾ പർപ്പിൾ ക്യാപ് ഹോൾഡർ ആണ് മുസ്തഫിസുർ. അമേരിക്കൻ വിസയുമായി ബന്ധപ്പെട്ട നടപടിക്രമങ്ങൾ പൂർത്തിയാക്കാൻ ആണ് താരം നാട്ടിലേക്ക് മടങ്ങിയത്. ടി20 ലോകകപ്പിനായി അമേരിക്കയിലേക്ക് പോകേണ്ട ബംഗ്ലാദേശ് സംഘത്തിൽ പ്രധാനിയാണ് മുസ്തഫിസുർ.
സിഎസ്കെയ്ക്കായി കുറച്ച് മത്സരങ്ങൾ അദ്ദേഹത്തിന് നഷ്ടമായേക്കും. റഹ്മാൻ്റെ യുഎസ് വിസ നടപടികൾ വൈകുകയാണെങ്കിൽ, അയാൾക്ക് രാജ്യത്ത് കൂടുതൽ നേരം തങ്ങേണ്ടി വന്നേക്കാം. ഏപ്രിൽ 8ന് കൊൽക്കത്ത നൈറ്റ് റൈഡേഴ്സിനെതിരായ (കെകെആർ) മത്സരത്തിന് മുന്നെ താരം തിരികെയെത്തും എന്നാണ് സി എസ് കെ പ്രതീക്ഷിക്കുന്നത്.
മുസ്തഫിസുറിന് ഏപ്രിൽ 30 വരെ ഐപിഎൽ കളിക്കാൻ എൻഒസി ഉണ്ട്.