സൺറൈസേഴ്സ് ഹൈദെരാബാദിനെതിരായ മത്സരത്തിൽ മുംബൈ ഇന്ത്യൻസ് 10 വിക്കറ്റിന്റെ തോൽവി പ്രതീക്ഷിച്ചിരുന്നില്ലെന്ന് മുംബൈ ഇന്ത്യൻസ് ക്യാപ്റ്റൻ രോഹിത് ശർമ്മ. ഈ സീസണിൽ മുംബൈ ഇന്ത്യൻസിന്റെ ഏറ്റവും മോശം പ്രകടനവും ഈ മത്സരത്തിൽ ആയിരുന്നെന്ന് രോഹിത് ശർമ്മ പറഞ്ഞു.
സൺറൈസേഴ്സ് ഹൈദെരാബാദിനെതിരായ 10 വിക്കറ്റ് തോൽവിക്ക് ശേഷം സംസാരിക്കുകയായിരുന്നു രോഹിത് ശർമ്മ. മത്സരത്തിൽ ആദ്യം ബാറ്റ് ചെയ്ത മുംബൈ ഇന്ത്യൻസ് 8 വിക്കറ്റ് നഷ്ടത്തിൽ 149 റൺസാണ് എടുത്തത്. തുടർന്ന് മറുപടി ബാറ്റിനിങ്ങിന് ഇറങ്ങിയ സൺറൈസേഴ്സ് ഹൈദരാബാദ് വിക്കറ്റ് ഒന്നും നഷ്ടപ്പെടാതെ 151 റൺസ് എടുത്ത് ജയം സ്വന്തമാക്കിയിരുന്നു.
സൺറൈസേഴ്സ് ഹൈദെരാബാദിനെതിരായ ഈ പ്രകടനം മുംബൈ ഇന്ത്യൻസ് ഇപ്പോൾ തന്നെ മറക്കുമെന്നും ആദ്യ 2 സ്ഥാനങ്ങൾ നേരത്തെ ഉറപ്പിച്ചതുകൊണ്ടാണ് ടീമിൽ പരീക്ഷണങ്ങൾ നടത്താനാണ് ഈ മത്സരം ഉപയോഗിച്ചതെന്നും രോഹിത് ശർമ്മ പറഞ്ഞു. ബാറ്റിംഗ് ഓർഡറിൽ പുതിയ കൂട്ടുകെട്ടുകളാണ് ഈ മത്സരത്തിൽ മുംബൈ പരീക്ഷിച്ചതെന്നും എന്നാൽ അത് വിജയകരമായിരുന്നില്ലെന്നും രോഹിത് ശർമ്മ പറഞ്ഞു. തുടർച്ചയായ മത്സരങ്ങളിൽ മുംബൈ ഇന്ത്യൻസിന് വേണ്ടി വിക്കറ്റ് നേടിയ ബോൾട്ടിനും ജസ്പ്രീത് ബുംറക്ക് പ്ലേ ഓഫിനു മുൻപ് വിശ്രമം ആവശ്യം ഉണ്ടായിരുന്നെന്നും രോഹിത് ശർമ്മ പറഞ്ഞു.