മനീഷ് പാണ്ടേ തിരിച്ച് വരവ് നടത്തുമെന്ന് വിശ്വസിക്കുന്നുവെന്ന് ടോം മൂഡി

Sports Correspondent

Download the Fanport app now!
Appstore Badge
Google Play Badge 1

സണ്‍റൈസേഴ്സിന്റെ മധ്യ നിര ബാറ്റ്സ്മാന്‍ മനീഷ് പാണ്ടേ തന്റെ മോശം ഫോം മറികടന്ന് ശക്തമായ തിരിച്ചുവരവ് നടത്തുമെന്ന് അറിയിച്ച് ടോം മൂഡി. മുന്‍ സീസണുകളില്‍ മികച്ച പ്രകടനം പുറത്തെടുത്ത താരത്തിന്റെ ഫോം മോശമായതിനെത്തുടര്‍ന്ന് ടീമിലെ സ്ഥാനം നഷ്ടപ്പെടുകയായിരുന്നു. ഡല്‍ഹിയ്ക്കെതിരെ താരത്തിനെ യൂസഫ് പത്താനൊപ്പം പുറത്തിരുത്തിയെങ്കിലും യൂസഫ് പത്താന്‍ ചെന്നൈയ്ക്കെതിരെയുള്ള മത്സരത്തില്‍ തിരിച്ചുവരവ് നടത്തിയെങ്കിലും മനീഷ് പാണ്ടേയുടെ സ്ഥാനം ടീമിനു പുറത്തായിരുന്നു.

മത്സര സാഹചര്യത്തിനനുസരിച്ചുള്ള ടീമുകളെ തിരഞ്ഞെടുക്കുകയാണ് തങ്ങള്‍ പാലിച്ച് പോകുന്നത്. അതിനാല്‍ തന്നെ വരും മത്സരങ്ങളില്‍ മനീഷ് ടീമിലേക്ക് വരുകയും ഫോം കണ്ടെത്തുകയും ചെയ്യുമെന്ന് കോച്ച് ടോം മൂഡി പറഞ്ഞു. മനീഷിനു തന്നെ തന്റെ മോശം ഫോമില്‍ അതൃപ്തിയുണ്ട്, അതിനാല്‍ തന്നെ താരം ശക്തമായ തിരിച്ചുവരവ് നടത്തി ടീമിന്റെ വിജയത്തില്‍ നിര്‍ണ്ണായക പങ്ക് വഹിക്കുമെന്നാണ് ടോം മൂഡി അഭിപ്രായപ്പെട്ടത്.