ഇന്ത്യൻ പ്രീമിയർ ലീഗിലെ ആദ്യ മത്സരത്തിൽ ആർ.സി.ബിയോട് തോറ്റതിന് പിന്നാലെ സൺറൈസേഴ്‌സ് ഹൈദരാബാദിന് മറ്റൊരു തിരിച്ചടി. ഓസ്‌ട്രേലിയൻ താരം മിച്ചൽ മാർഷിന് പരിക്ക് മൂലം ഐ.പി.എൽ ടൂർണമെന്റ് മുഴുവൻ നഷ്ട്ടപെട്ടേക്കും. ഇന്നലെ റോയൽ ചലഞ്ചേഴ്‌സ് ബാംഗ്ലൂരിനെതിരായ സൺറൈസേഴ്സിന്റെ ആദ്യ മത്സരത്തിലാണ് മിച്ചൽ മാർഷിന് പരിക്കേറ്റത്.
മത്സരത്തിന്റെ അഞ്ചാം ഓവർ എറിയാൻ വന്ന മിച്ചൽ മാർഷിന് പരിക്കേൽക്കുകയായിരുന്നു. തന്റെ ആദ്യ ഓവറിലെ നാലാമത്തെ പന്തെറിയുമ്പോഴാണ് താരത്തിന്റെ ആംഗിളിനാണ് പരിക്കേറ്റത്. തുടർന്ന് വിജയ് ശങ്കറാണ് താരത്തിന്റെ ബാക്കി രണ്ട് പന്തുകൾ പൂർത്തിയാക്കിയത്. പുറത്തുവരുന്ന വാർത്തകൾ പ്രകാരം താരത്തിന് ഈ സീസണിൽ ഐ.പി.എൽ നഷ്ടമാവുമെന്നാണ് കരുതപ്പെടുന്നത്. കഴിഞ്ഞ ഐ.പി.എൽ ടൂർണമെന്റുകളിലും മിച്ചൽ മാർഷിന് പരിക്ക് വില്ലനായിട്ടുണ്ട്.
