ലക്നൗ സൂപ്പർ ജയന്റ്സ് പേസർ മായങ്ക് യാദവ് ഇനി ഈ സീസണിൽ കളിക്കില്ല. താരത്തിനേറ്റ പരിക്ക് മാറാൻ സമയം എടുക്കും എന്നും കളിക്കാൻ സാധ്യത ഇല്ല എന്നും പരിശീലകൻ ലാംഗർ പറഞ്ഞു. പരിക്ക് മാറി വന്ന മായങ്കിന് മുംബൈ ഇന്ത്യൻസിന് എതിരായ മത്സരത്തിൽ വീണ്ടും പരിക്കേറ്റിരുന്നു. ഇതോടെയാണ് ഇനി ഈ സീസൺ ഐപിഎല്ലിൽ താരം കളിക്കില്ല എന്ന് ഉറപ്പായത്.
പരിക്ക് കാരണം 5 മത്സരങ്ങൾ നഷ്ടപ്പെട്ട മായങ്ക് മുംബൈക്ക് എതിരെ ആയിരുന്നു തിരികെയെത്തിയത്. മുമ്പ് പരിക്കേറ്റ ഭാഗത്ത് തന്നെയാണ് മായങ്കിന് വേദന അനുഭവപ്പെട്ടത് എന്ന് എൽഎസ്ജിയുടെ മുഖ്യ പരിശീലകൻ ജസ്റ്റിൻ ലാംഗർ പറഞ്ഞു.
സീസൺ തുടക്കത്തിൽ ഗംഭീര ബൗളിംഗ് കാഴ്ചവെച്ച മായങ്ക് തന്റെ ലീഗിലെ ആദ്യ രണ്ട് മത്സരങ്ങളിലും പ്ലയർ ഓഫ് ദി മാച്ച് ആയിരുന്നു. 157ന് അടുത്ത് സ്പീഡിൽ പന്തെറിഞ്ഞ് റെക്കോർഡും കുറിച്ചിരുന്നു.