117 മീറ്റര്‍!!! ഐപിഎലില്‍ ഈ സീസണിലെ ഏറ്റവും വലിയ സിക്സ് നേടി ലിയാം ലിവിംഗ്സ്റ്റൺ

മുഹമ്മദ് ഷമിയുടെ ഒരോവറിൽ 28 റൺസ് നേടി 16ാം ഓവറിൽ പഞ്ചാബിന്റെ വിജയം ഒരുക്കുമ്പോള്‍ ലിയാം ലിവിംഗ്സ്റ്റൺ ഓവറിലെ ആദ്യ മൂന്ന് പന്തിൽ ഹാട്രിക്ക് സിക്സുകളാണ് നേടിയത്. താരം ഈ ഓവറിലെ ആദ്യ പന്തിൽ നേടിയ സിക്സ് 117 മീറ്ററാണ് സഞ്ചരിച്ചത്.

ഇത് ഈ സീസണിലെ ഏറ്റവും വലിയ സിക്സ് കൂടിയാണ്. 10 പന്തിൽ 30 റൺസ് നേടിയ ലിയാം പുറത്താകാതെ നിന്നാണ് മികച്ച റൺ റേറ്റിൽ പഞ്ചാബിന്റെ വിജയം സാധ്യമാക്കിയത്.