സൺറൈസേഴ്സിന് എതിരെ RCB ബൗളർമാർ അടിവാങ്ങി കൂട്ടുന്ന കാഴ്ച വേദനയുണ്ടാക്കി എന്ന് മുൻ ഇന്ത്യൻ ക്യാപ്റ്റൻ ക്രിസ് ശ്രീകാന്ത്. ആർസിബി 287 റൺസ് ആയിരുന്നു ഇന്നലെ വഴങ്ങിയത്. ഈ ബൗളർമാരെക്കാൾ മികച്ച പ്രകടനം വിരാട് കോഹ്ലി ബൗളു കൊണ്ട് നടത്തുമായിരുന്നു എന്ന് ശ്രീകാന്ത് പറഞ്ഞു.
“റീസ് ടോപ്ലി അടിവാങ്ങിക്കൂട്ടി. ലോക്കി ഫെർഗൂസണും റൺസ് ഏറെ വഴങ്ങി. RCBക്ക് ഏറ്റവും നല്ലത് അവർ 11 ബാറ്റർമാരുമായി കളിക്കുന്നതാണ്. ഫാഫ് ഡു പ്ലെസിസിനോട് 2 ഓവർ ബൗൾ ചെയ്യാൻ ആവശ്യപ്പെടുക. കാമറൂൺ ഗ്രീനിന് 4 ഓവർ നൽകുക. വിരാട് കോഹ്ലി 4 ഓവർ എറിഞ്ഞിരുന്നെങ്കിൽ ഇത്രയധികം വഴങ്ങില്ലായിരുന്നുവെന്ന് ഞാൻ കരുതുന്നു. വിരാട് കോലി മാന്യനായ ഒരു ബൗളറാണ്.” ശ്രീകാന്ത് പറഞ്ഞു.
“ഒരു ഘട്ടത്തിൽ, സ്റ്റേഡിയത്തിന് പുറത്തേക്ക് പന്തുകൾ പറക്കുന്നത് നോക്കിനിൽക്കേണ്ടി വന്ന വിരാട് കോഹ്ലിയെ ഓർത്ത് വല്ലാത്ത വിഷമം തോന്നി.” അദ്ദേഹം കൂട്ടിച്ചേർത്തു.