ഗുജറാത്ത് ടൈറ്റന്സിനെതിരെ തോൽവിയേറ്റ് വാങ്ങി ഐപിഎലില് നിന്ന് പുറത്തായി സൺറൈസേഴ്സ് ഹൈദ്രാബാദ്. ഇന്ന് ആദ്യം ബാറ്റ് ചെയ്ത ഗുജറാത്ത് 188/9 എന്ന സ്കോര് നേടിയപ്പോള് മറുപടി ബാറ്റിംഗിനിറങ്ങിയ സൺറൈസേഴ്സിന് 154 റൺസ് മാത്രമേ നേടാനായുള്ളു. 34 റൺസ് വിജയത്തോടെ ഗുജറാത്ത് ടൈറ്റന്സ് പ്ലേ ഓഫ് ഉറപ്പാക്കി.
മൊഹമ്മദ് ഷമിയും മോഹിത് ശര്മ്മയും മൂന്ന് വീതം വിക്കറ്റ് നേടിയാണ് സൺറൈസേഴ്സിന്റെ നടുവൊടിച്ചത്. 44 പന്തിൽ 64 റൺസ് നേടി ഹെയിന്റിച്ച് ക്ലാസ്സന് മാത്രമാണ് സൺറൈസേഴ്സ് നിരയിൽ തിളങ്ങിയത്. ക്ലാസ്സനെ ഷമിയാണ് പുറത്താക്കിയത്. 4 വിക്കറ്റാണ് ഷമി നേടിയത്. ഭുവനേശ്വര് കുമാര് 27 റൺസ് നേടി. എട്ടാം വിക്കറ്റിൽ ഈ കൂട്ടുകെട്ട് നേടിയ 68 റൺസാണ് വലിയ തോൽവിയിൽ നിന്ന് സൺറൈസേഴ്സിനെ രക്ഷിച്ചത്. ഷമിയ്ക്കൊപ്പം മോഹിത് ശര്മ്മയും നാല് വിക്കറ്റ് നേടി.