ഇന്ന് ഇന്ത്യൻ പ്രീമിയർ ലീഗിൽ (IPL) ആദ്യ ഫൈനലിസ്റ്റുകളെ തീരുമാനിക്കുന്ന ക്വാളിഫയർ പോരാട്ടം നടക്കും. ഇന്ന് അഹമ്മദാബാദിലെ നരേന്ദ്രമോദി സ്റ്റേഡിയത്തിൽ നടക്കുന്ന മത്സരത്തിൽ കൊൽക്കത്ത നൈറ്റ് റൈഡേഴ്സും സൺറൈസേഴ്സ് ഹൈദരാബാദും തമ്മിലാണ് ഏറ്റുമുട്ടുന്നത്. ലീഗിൽ ഒന്നാമത് ഫിനിഷ് ചെയ്ത ടീമാണ് കൊൽക്കത്ത നൈറ്റ് റൈഡേഴ്സ്. ഹൈദരാബാദ് രണ്ടാമതായിരുന്നു ഫിനിഷ് ചെയ്തത്. ഇന്ന് വിജയിക്കുന്നവർ ഫൈനലിലേക്ക് എത്തും. ഇന്ന് പരാജയപ്പെടുന്നവർക്ക് ഇനി എലിമിനേറ്റ് വിജയികളായി ഒരു മത്സരം കൂടി കളിച്ച് ഫൈനലിൽ എത്താനുള്ള സാധ്യത ഉണ്ടാകും.
സീസൺ തുടക്കത്തിൽ ഹൈദരാബാദും കൊൽക്കത്തയും തമ്മിൽ ഏറ്റുമുട്ടിയപ്പോൾ കൊൽക്കത്ത ആയിരുന്നു വിജയിച്ചിരുന്നത്. അന്ന് കൊൽക്കത്ത ഉയർത്തിയ 209 എന്ന ലക്ഷ്യം ചെയ്സ് ചെയ്ത സൺറൈസേഴ്സിന് 204 റൺസ് വരെയെ എടുക്കാൻ ആയിരുന്നുള്ളൂ.ഇന്ന് രാത്രി 7.30ന് നടക്കുന്ന മത്സരം തത്സമയം ജിയോ സിനിമയിലും സ്റ്റാർ സ്പോർട്സിലും കാണാം