15 വർഷങ്ങളായുള്ള കെ കെ ആർ കാത്തിരിപ്പിന് അവസാനം. ഇന്ന് മുംബൈ ഇന്ത്യൻസിനെതിരെ വെങ്കിടേഷ് അയ്യർ സെഞ്ച്വറി കണ്ടെത്തിയതോടെ ഐ പി എല്ലിൽ ചരിത്രത്തിലെ കെ കെ ആറിന്റെ രണ്ടാം സെഞ്ച്വറി പിറന്നു. ബ്രണ്ടൻ മക്കല്ലം ആയിരുന്നു ഇതിനു മുമ്പ് കെ കെ ആറിനായി സെഞ്ച്വറി നേടിയത്. അത് 15 വർഷങ്ങൾക്ക് മുമ്പ് ഐ പി എല്ലിലെ ഉദ്ഘാടന മത്സരത്തിൽ ആയിരുന്നു.
ഐപിഎല്ലിലെ ആദ്യ മത്സരത്തിൽ മക്കല്ലം 158 റൺസ് ആയിരുന്നു നേടിയത്. അതിനുശേഷം
ഇത്ര കൊല്ലമായി ആർക്കും മൂന്നക്കം നേടാൻ ആയില്ല. വെറും 49 പന്തിൽ 5 ഫോറും 9 സിക്സും അടിച്ചാണ് ഇന്ന് വെങ്കിടേഷ് അയ്യർ സെഞ്ച്വറിയിൽ എത്തിയത്. 51 പന്തിൽ 104 റൺസ് നേടിയാണ് വെങ്കിടേഷ് പുറത്തായത്.