ലഖ്നൗ സൂപ്പർ ജയന്റ്സ് (എൽഎസ്ജി) അടുത്ത സീസണിലേക്കുള്ള അവരുടെ മുഖ്യ പരിശീലകനായി മുൻ ഓസ്ട്രേലിയൻ ഓപ്പണിംഗ് ബാറ്റർ ജസ്റ്റിൻ ലാംഗറിനെ നിയമിച്ചു. 2022ലെ ഇന്ത്യൻ പ്രീമിയർ ലീഗിൽ പരിശീലകനായിരുന്ന ആൻഡി ഫ്ലവർ ക്ലബ് വിടുന്നതായി പ്രഖ്യാപിച്ചതിനു പിന്നാലെയാണ് പുതിയ പരിശീലകനെ പ്രഖ്യാപിച്ചത്.
ലാംഗർ ആദ്യമാണ് ഐപിഎല്ലിൽ ഒരു ടീമിന്റെ പരിശീലകനാകുന്നത് ടി20 ഫോർമാറ്റിൽ മികച്ച ട്രാക്ക് റെക്കോർഡ് ലാംഗറിനുണ്ട്. പെർത്ത് സ്കോർച്ചേഴ്സിനെ മൂന്ന് ബിഗ് ബാഷ് ലീഗ് കിരീടങ്ങളിലേക്ക് അദ്ദേഹം നയിച്ചിട്ടുണ്ട്. 2021 ൽ ടി20 ലോകകപ്പ് നേടിയ ഓസ്ട്രേലിയൻ ടീമിന്റെയും മുഖ്യ പരിശീലകനുമായിരുന്നു.
“ഐപിഎല്ലിൽ മികച്ചൊരു കഥ കെട്ടിപ്പടുക്കാനുള്ള യാത്രയിലാണ് ലഖ്നൗ സൂപ്പർ ജയന്റ്സ്. ആ യാത്രയിൽ നമുക്കെല്ലാവർക്കും ഒരു പങ്ക് വഹിക്കാനുണ്ട്, മുന്നോട്ട് പോകു ഈന്ന ടീമിന്റെ ഭാഗമാകാൻ എനിക്ക് ആവേശമുണ്ട്,” ഫ്രാഞ്ചൈസി പുറത്തിറക്കിയ പ്രസ്താവനയിൽ ലാംഗർ പറഞ്ഞു.