ഇന്നലെ രാജസ്ഥാൻ റോയൽസിന്റെ വിജയത്തിൽ വലിയ പങ്കുവഹിച്ച ജൈസ്വാൾ 98 റൺസ് എടുത്ത് പുറത്താകാതെ നിന്നു. 2 റൺസിന് സെഞ്ച്വറി നഷ്ടമായി എങ്കിലും ടീം ജയിക്കുന്നതിലും നെറ്റ് റൺറേറ്റ് കൂട്ടുന്നതിലും ആയിരുന്നു തന്റെ ശ്രദ്ധ എന്ന് ജൈസ്വാൾ പറഞ്ഞു.
ഇന്നലെ അടിച്ച എല്ലാ ഷോട്ടുകളിലും വിജയിച്ച ഷോട്ടാണ് ഏറ്റവും സന്തോഷം നൽകിയത്, കാരണം ഞാൻ അവസാനം വരെ കളിക്കാനും ടീമിനായി വിജയിപ്പിക്കാനും പഠിക്കുകയാണ്. അതാണ് എന്റെ ലക്ഷ്യം. ജയ്സ്വാൾ മത്സരശേഷം പറഞ്ഞു. ഞാൻ അനുഗ്രഹീതനും നന്ദിയുള്ളവനും ആണ്. എന്റെ പരമാവധി ഞാൻ ശ്രമിക്കുന്നു. നെറ്റ് റൺ റേറ്റ് ഉയർത്താൻ ഞാൻ ആഗ്രഹിച്ചു, സെഞ്ച്വറിയെ കുറിച്ച് ചിന്തിച്ചിരുന്നില്ല. അദ്ദേഹം പറഞ്ഞു
എല്ലാ മികച്ച കളിക്കാർക്കൊപ്പവും കളിക്കാൻ തമിക്ക് ആകുന്നു. ഐപിഎൽ മികച്ച താരങ്ങൾക്കൊപ്പം കളിക്കാനുള്ള മികച്ച വേദിയാണ്. ജയ്സ്വാൾ കൂട്ടിച്ചേർത്തു.
ഈ ജയത്തോടെ, 12 മത്സരങ്ങളിൽ ആറിൽ വിജയിച്ച റോയൽസ് 12 പോയിന്റും നെറ്റ് റൺ റേറ്റും +0.633 ആയി പട്ടികയിൽ മൂന്നാം സ്ഥാനത്തേക്ക് ഉയർന്നു.