ഐ പി എല്ലിൽ ഫോം കണ്ടെത്താൻ വിഷമിക്കുന്ന യശസ്വി ജയ്സ്വാളിനെ കുറിച്ച് ഓർത്ത് തനിക്ക് ആശങ്കയുണ്ട് എന്ന് മുൻ ഇന്ത്യൻ താരം ആകാശ് ചോപ്ര. യശ്വസി കൂറ്റനടികൾക്ക് നോക്കാതെ ടൈമിംഗിൽ ശ്രദ്ധ കേന്ദ്രീകരിക്കണം എന്നും അദ്ദേഹത്തിന്റെ കരുത്ത് ടൈമിംഗ് ആണ് എന്നും ആകാശ് പറഞ്ഞു.
“യശസ്വി കളിക്കാത്തതിനാൽ എനിക്ക് യശസ്വിയെക്കുറിച്ച് അൽപ്പം ആശങ്കയുണ്ട്. അവൻ ഓരോ പന്തും അറ്റാക്ക് ചെയ്യാൻ ശ്രമിക്കുന്നു. നിങ്ങൾ വളരെ മികച്ച കളിക്കാരനാണ്, നിങ്ങൾ ടൈമിംഗിൽ വിശ്വസിക്കുന്നതിനാൽ ആണ് നിങ്ങൾ നല്ല കളിക്കാരനായത്. നിങ്ങൾ ആന്ദ്രേ റസ്സൽ അല്ല, നിങ്ങളുടെ കളി ശൈലി വളരെ വ്യത്യസ്തമാണ് എന്ന് ഓർക്കുക” ചോപ്ര തൻ്റെ യൂട്യൂബ് ചാനലിൽ പറഞ്ഞു.
“എനിക്ക് ജയ്സ്വാളിന്ര് ഒരുപാട് ഇഷ്ടമായതിനാൽ, കുമാർ സംഗക്കാര അദ്ദേഹവുമായി ഇതുസംബന്ധിച്ച് സംസാരിക്കണമെന്ന് ഞാൻ ആഗ്രഹിക്കുന്നു, അല്ലെങ്കിൽ രോഹിത് ശർമ്മ ഫോൺ എടുത്ത് അവനോട് സംസാരിക്കണം, ‘നിങ്ങൾക്ക് ടി20 ലോകകപ്പിന് പോകണം’. എന്ന് രോഹിത് പറയണം.” ആകാശ് ചോപ്ര പറഞ്ഞു.
“അൽപ്പം കരുതലോടെ കളിക്കുക’ അദ്ദേഹം ഒരു സിക്സും ഫോറും അടിച്ചു, എന്നിട്ടാണ് മറ്റൊരു വലിയ ഷോട്ട് പരീക്ഷിച്ച് പുറത്തായത്,” അദ്ദേഹം കൂട്ടിച്ചേർത്തു