“ടി20 ലോകകപ്പ് നീട്ടിവെച്ച് ഐ.പി.എൽ ഒക്ടോബറിൽ നടത്തണം” : ബ്രെണ്ടൻ മക്കല്ലം

Staff Reporter

Download the Fanport app now!
Appstore Badge
Google Play Badge 1

ഈ വർഷം ഒക്ടോബറിൽ ഓസ്ട്രേലിയയിൽ വെച്ച് നടത്തേണ്ട ടി20 ലോകകപ്പ് അടുത്ത വർഷത്തേക്ക് മാറ്റിവെച്ച് ഇന്ത്യൻ പ്രീമിയർ ലീഗ് ഒക്ടോബറിൽ നടത്തണമെന്ന് മുൻ ന്യൂസിലാൻഡ് വിക്കറ്റ് കീപ്പർ ബ്രെണ്ടൻ മക്കല്ലം. ടി20 ലോകകപ്പ് അടുത്ത വർഷത്തേക്ക് മാറ്റിവെച്ചാൽ ടി20 ലോകകപ്പ് നടക്കേണ്ട ഒക്ടോബർ- നവംബറിൽ മാസത്തിൽ ഐ.പി.എൽ നടത്താൻ കഴിയുമെന്നും മക്കല്ലം പറഞ്ഞു.

ഈ വർഷം നടക്കേണ്ട ടി20 ലോകകപ്പ് അടുത്ത വർഷത്തേക്ക് മാറ്റിവെച്ചാൽ അടുത്ത വര്ഷം നടക്കേണ്ട വനിതാ ലോകകപ്പും നീട്ടിവെക്കേണ്ടി വരുമെന്നും മക്കല്ലം പറഞ്ഞു. 16 ടീമുകളുടെ താരങ്ങെളയും സപ്പോർട്ടിങ് സ്റ്റാഫിനെയും ടെലിവിഷൻ സംപ്രേഷകരെയും ഈ സമയത്ത് എത്തിക്കുക എളുപ്പമാവില്ലെന്നും ഓസ്ട്രേലിയ കാണികൾ ഇല്ലാതെ ലോകകപ്പ് നടത്താൻ ഉദ്ദേശിക്കുന്നില്ലെന്നും ബ്രെണ്ടൻ മക്കല്ലം പറഞ്ഞു.

അതെ സമയം ആ സമയത്ത് ഇന്ത്യയിൽ വെച്ച് ഐ.പി.എൽ നടത്താൻ ബുദ്ധിമുട്ട് ഉണ്ടാവില്ലെന്നും ഐ.പി.എൽ നടത്താൻ എളുപ്പമായിരിക്കുമെന്നും മക്കല്ലം പറഞ്ഞു. ഇന്ത്യൻ പ്രീമിയർ ലീഗ് ക്ലബായ കൊൽക്കത്ത നൈറ്റ് റൈഡേഴ്സിന്റെ പരിശീലകൻ കൂടിയാണ് ബ്രെണ്ടൻ മക്കല്ലം.