ഐപിഎലിന്റെ നടത്തിപ്പില് ചുരുങ്ങിയ സമയത്തിനുള്ളില് ഇതുമായി ബന്ധപ്പെട്ട ആളുകള്ക്കെല്ലാം വ്യക്തമായ പദ്ധതി മുന്നോട്ട് വെച്ച ബിസിസിഐ നിലപാടുകള് ഏറെ പ്രശംസനീയമാണെന്ന് വ്യക്തമാക്കി റോയല് ചലഞ്ചേഴ്സ് ബാംഗ്ലൂര് താരം എബി ഡി വില്ലിയേഴ്സ്. ബിസിസിഐ ടൂര്ണ്ണമെന്റ് ഇത്രത്തോളം മുന്നോട്ടെത്തിച്ചതില് സ്വീകരിച്ച നടപടികള് വളരെ സുതാര്യമായ കാര്യമാണെന്നും എബി ഡി വില്ലിയേഴ്സ് അഭിപ്രായപ്പെട്ടു.
ടൂര്ണ്ണമെന്റില് പങ്കെടുക്കുവാനാകുന്നതിന്റെ ആവേശത്തിലാണ് ഏവരും എന്നും എബിഡി സൂചിപ്പിച്ചു. ഒരു മാസം മുമ്പ് തന്നെ ടൂര്ണ്ണമെന്റിനെക്കുറിച്ച് വ്യക്തത എല്ലാവരിലേക്കും എത്തിക്കുവാന് ബിസിസിഐയ്ക്ക് സാധിച്ചുവെന്നും എബിഡി സൂചിപ്പിച്ചു.