ഇന്ത്യന് പേസര്മാര്ക്ക് അടിക്കടി പരിക്കേൽക്കുന്നത് ആശങ്കയുള്ള കാര്യമാണെന്ന് പറഞ്ഞ് മുന് ഇന്ത്യന് കോച്ച് രവി ശാസ്ത്രി. മൂന്ന് മത്സരങ്ങള് കഴിഞ്ഞ് തിരികെ വരുമ്പോള് പരിക്കേൽക്കുവാനാണെങ്കിൽ നിങ്ങള് എന്സിഎയിൽ പോകുന്നത് എന്തിനാണെന്നും ബൗളര്മാരെ നിശിതമായി വിമര്ശിച്ച് രവി ശാസ്ത്രി ആരാഞ്ഞു.
ദീപക് ചഹാറിന്റെ പരിക്ക് ആണ് ഇത്തരത്തിലൊരു പരമാര്ശം നടത്തുവാന് ശാസ്ത്രിയെ പ്രേരിപ്പിച്ചിരിക്കുന്നത്. മുംബൈയ്ക്കെതിരെയുള്ള മത്സരത്തിൽ ഒരു ഓവര് എറിഞ്ഞ ശേഷം ഹാംസ്ട്രിംഗ് പരിക്കുമായി താരം മടങ്ങുകയായിരുന്നു.
കഴിഞ്ഞ ഏതാനും മാസമായി ജസ്പ്രീത് ബുംറ, പ്രസിദ്ധ് കൃഷ്ണ, മൊഹിസിന് ഖാന് എന്നിങ്ങനെ നിരവധി താരങ്ങളാണ് പരിക്കിന്റെ പിടിയിലായിരിക്കുന്നത്.