ഇന്ത്യൻ പേസ് ബൗളർ ഹർഷൽ പട്ടേലിനെ 10.75 കോടിക്ക് ആർ സി ബി സ്വന്തമാക്കി. കഴിഞ്ഞ സീസണിൽ ആർ സി ബിക്കായി അത്ഭുത പ്രകടനം കാഴ്ചവെച്ച താരത്തിനായി തുടക്കത്തിൽ തന്നെ ആർ സി ബി രംഗത്ത് ഉണ്ടായിരുന്നു. ചെന്നൈ സൂപ്പർ കിംഗ്സും സൺ റൈസേഴ്സും ഹർഷലിനായി പൊരുതി. സൺ റൈസേഴ്സ് ആണ് അവസാനം വരെ പൊരുതിയത്. 2 കോടി അടിസ്ഥാന വിലയിൽ തുടങ്ങിയ പോരാട്ടം 10 കോടിക്ക് മുകളിൽ പോയി. 31കാരനായ താരം മുമ്പ് ഡെൽഹി ക്യാപിറ്റൽസുനായും കളിച്ചിരുന്നു. കഴിഞ്ഞ സീസണിൽ 32 വിക്കറ്റുകൾ താരം ഐ പി എല്ലിൽ നേടിയിരുന്നു.