ഹാർദിക് പാണ്ഡ്യ മുംബൈ ആരാധകരിൽ നിന്ന് പിന്തുണ അർഹിക്കുന്നുണ്ടെന്ന് മുൻ ഇന്ത്യൻ ഹെഡ് കോച്ച് രവി ശാസ്ത്രി. പുതിയ ക്യാപ്റ്റന് സമയം ആവശ്യമാണെന്നും ക്യാപ്റ്റനെ തീരുമാനിക്കുന്നത് ഉടമകൾ ആണെന്നും രവി ശാസ്ത്രി പറഞ്ഞു.
“വർഷങ്ങളായി നിങ്ങൾ ടീമിനെ പിന്തുണച്ചു, വെറും 2-3 മത്സരങ്ങളിൽ, അവർ ഒരു മോശം ടീമാകില്ല. അവർ 5 തവണ ചാമ്പ്യന്മാരാണ്, നിങ്ങളെപ്പോലെയുള്ള ഒരു മനുഷ്യനാണ് ഹാർദിക്. അയാൾക്കും രാത്രി ഉറങ്ങണം. അതിനാൽ അതിനെക്കുറിച്ച് ചിന്തിക്കൂ, ശാന്തനാകൂ, ”ഹാർദിക് പാണ്ഡ്യയെ പിന്തുണച്ച് രവി ശാസ്ത്രി സ്റ്റാർ സ്പോർട്സിൽ പറഞ്ഞു.
“ഹാർദിക് ഈ ബഹളങ്ങൾ എല്ലാം അവഗണിക്കണം, അവൻ അവന്റെ ഗെയിമിൽ ശ്രദ്ധ കേന്ദ്രീകരിക്കുക’ അവർ 3-4 മത്സരങ്ങൾ ജയിച്ചാൽ എല്ലാം ശമിക്കും. കാര്യങ്ങൾ മാറും,” അദ്ദേഹം കൂട്ടിച്ചേർത്തു.