ചെയ്സ് ചെയ്യാൻ ആകുന്ന ടോട്ടൽ ആയിരുന്നു ചെന്നൈ ഉയർത്തിയത് എന്നും എന്നാൽ അവരുടെ ബൗളിംഗ് മികച്ചതായത് കൊണ്ടാണ് തോറ്റത് എന്നും ഹാർദിക് പാണ്ഡ്യ. മുംബൈ ഇന്ത്യൻസ് ചെന്നൈ സൂപ്പർ കിംഗ്സിന് എതിരെ 20 റൺസിന്റെ പരാജയമാണ് ഏറ്റുവാങ്ങിയത്.
ഈ ലക്ഷ്യം തീർച്ചയായും ചെയ്സ് ചെയ്യാവുന്നത് ആയിരുന്നു, പക്ഷേ ചെന്നൈ നന്നായി പന്തെറിഞ്ഞു. പതിരന ആയിരുന്നു പ്രധാന വ്യത്യാസം ആയത്. ബൗളിംഗിലും ഫീൽഡിലും അവരുടെ പദ്ധതികൾ നല്ലതായിരുന്നു. സ്റ്റമ്പിന് പിന്നിൽ നിർദേശങ്ങൾ നൽകാൻ ധോണിയും ഉണ്ട്. ഹാർദിക് പറയുന്നു.
പതിരണ ആക്രമണത്തിൽ വന്ന് ആ രണ്ട് വിക്കറ്റുകൾ വീഴ്ത്തുന്നതുവരെ ഞങ്ങൾ നന്നായി കളിക്കുക ആയിരുന്നു. അതിനു ശേഷം ആണ് ഞങ്ങൾ പിറകിൽ ആയത്. ഇനി നല്ല ക്രിക്കറ്റ് കളിക്കേണ്ടതുണ്ട്. ഹാർദിക് പറഞ്ഞു.