തന്റെ ഐപിഎൽ കരിയറിൽ നിരവധി ക്യാപ്റ്റൻമാരുടെ കീഴിൽ കളിച്ചിട്ടുള്ള മുൻ ഇന്ത്യൻ പേസർ ആർപി സിങ്ങ് ഗിൽക്രിസ്റ്റ് ആണ് തന്റെ ഫേവറിറ്റ് ക്യാപ്റ്റൻ എന്ന് പറഞ്ഞു. ഐപിഎൽ സീസണ് മുന്നോടിയായി ജിയോ സിനിമ പങ്കിട്ട ഒരു വീഡിയോയിൽ ആണ് ആർപി സിംഗ് ഓസ്ട്രേലിയയുടെ മുൻ വിക്കറ്റ് കീപ്പർ ആദം ഗിൽക്രിസ്റ്റിനെ തന്റെ ‘പ്രിയപ്പെട്ട ക്യാപ്റ്റനായി’ തിരഞ്ഞെടുത്തത്.
എന്റെ പ്രിയപ്പെട്ട ക്യാപ്റ്റൻ ആദം ഗിൽക്രിസ്റ്റ് ആണ്. മുൻ ഓസ്ട്രേലിയൻ ക്യാപ്റ്റനായിരുന്ന അദ്ദേഹം മൂന്ന് വർഷത്തോളം ഡെക്കാൻ ചാർജേഴ്സിന്റെ തലവനായിരുന്നു. ആദ്യ വർഷം ഞങ്ങൾ അന്ന് ഏറ്റവും താഴെയായി ഫിനിഷ് ചെയ്തത്, എന്നാൽ അടുത്ത വർഷം ഞങ്ങൾ തിരിച്ചുവന്നു, ഞങ്ങൾ ഒന്നമത് എത്തി. കിരീടം നേടി,” അദ്ദേഹം ഗിൽക്രിസ്റ്റിനെ കുറിച്ച് പറഞ്ഞു.
ഗിൽക്രിസ്റ്റിന്റെ നേതൃത്വത്തിൽ ആർപി സിംഗ് ഡെക്കാൻ ചാർജേഴ്സ് ടീമിനൊപ്പം ഐപിഎൽ 2009 കിരീടം നേടിയിരുന്നു. ഐപിഎൽ 2013 സീസണിൽ കോഹ്ലിയുടെ കീഴ റോയൽ ചലഞ്ചേഴ്സ് ബാംഗ്ലൂരിനും 2016 കാമ്പെയ്നിൽ എംഎസ് ധോണിയുടെ കീഴിൽ റൈസിംഗ് പൂനെ സൂപ്പർജയന്റ്സിനും ആർ പി സിംഗ് കളിച്ചിട്ടുണ്ട്.