വെള്ളിയാഴ്ച അഹമ്മദാബാദിൽ നടന്ന ഐപിഎൽ പോരാട്ടത്തിൽ മുംബൈ ഇന്ത്യൻസിന് എതിരെ 129 റൺസ് അടിച്ച ശുഭ്മൻ ഗില്ലിനെ പ്രശംസിച്ച് ഇതിഹാസം സുനിൽ ഗവാസ്കർ.
“ക്രിക്കറ്റ് ലോകം അവന്റെ കാൽച്ചുവട്ടിലാണെന്ന് പറയുന്നതിന് പുറമെ കൂടുതൽ വിശേഷണങ്ങൾ അവനെ പ്രശംസിക്കാൻ കണ്ടെത്തുന്നത് വളരെ ബുദ്ധിമുട്ടാണ്. ആകാശമാണ് അവന് പരിധി. അത്രയേ എനിക്ക് പറയാനുള്ളൂ.” ഗവാക്സർ പറയുന്നു.
“അവൻ ഈ പ്രകടനം തുടർന്നുകൊണ്ടേയിരിക്കുകയാണെങ്കിൽ, റൺസ് ഒഴുകും. കാരണം അവന്റെ ക്രിക്കറ്റിൽ ഒരു കൃത്യതയുണ്ട്” അദ്ദേഹം പറയുന്നു. “ഈ ഐപിഎല്ലിലെ ഗില്ലിന്റെ മൂന്നാമത്തെ സെഞ്ച്വറിയാണിത്. ഓരോ ഇന്നിംഗ്സിലും അവൻ മെച്ചപ്പെട്ടു. ഇപ്പോൾ ഈ വർഷത്തെ ഐപിഎല്ലിലെ ഏറ്റവും ഉയർന്ന സ്കോറായ 129 ആണ് അയാൾ നേടിയത്. അതിനാൽ സ്കൈ ആണ് അവന്റെ ലിമിറ്റ്. ഗുജറാത്ത് ടൈറ്റൻസിന് മാത്രമല്ല, ഇന്ത്യൻ ക്രിക്കറ്റിനും ഇത് സന്തോഷവാർത്തയാണ്” ഗവാസ്കർ പറഞ്ഞു