ചെന്നൈ സൂപ്പർ കിംഗ്സിനെതിരായ മത്സരത്തിൽ സ്ലോ ഓവർ നിരക്കിന് ഗുജറാത്ത് ടൈറ്റൻസ് നായകൻ ശുഭ്മാൻ ഗില്ലിന് എതിരെ നടപടി. ഗില്ലിന് 12 ലക്ഷം രൂപ പിഴ ചുമത്തി. “മിനിമം ഓവർ റേറ്റുമായി ബന്ധപ്പെട്ട ഐപിഎൽ പെരുമാറ്റച്ചട്ടം അനുസരിച്ച് ഈ സീസണിലെ തൻ്റെ ടീമിൻ്റെ ആദ്യ കുറ്റമായതിനാൽ, ഗില്ലിന് 12 ലക്ഷം രൂപ പിഴ ചുമത്തി,” ഐപിഎൽ പ്രസ്താവനയിൽ പറഞ്ഞു.
ഈ കുറ്റം ആവർത്തിച്ചാൽ അടുത്ത പിഴ 24 ലക്ഷം രൂപയാകും. ടൂർണമെൻ്റിൻ്റെ ഈ പതിപ്പിൽ ഗില്ലിൻ്റെ ഗുജറാത്ത് ടൈറ്റൻസ് ഇന്നലെ ടീമിന്റെ ആദ്യ തോൽവി ഏറ്റുവാങ്ങിയിരുന്നു. ചെന്നൈ സൂപ്പർ കിംഗ്സിനോട് 63 റൺസിന് ആണ് ഇന്നലെ ഗുജറാത്ത് തോറ്റത്.