ബെന് സ്റ്റോക്സ് ലേലത്തിനു ശേഷം ഐപിഎലില് നിന്ന് പിന്മാറുകയാണെങ്കില് പകരം താരത്തെ തിരഞ്ഞെടുക്കാന് അനുവാദം നല്കി ഐപിഎല് ഗവേണിംഗ് കൗണ്സില്. സെപ്റ്റംബറില് ബ്രിസ്റ്റോളിലെ ബാറില് നടന്ന അടിപിടിയ്ക്ക് ശേഷം ബെന് സ്റ്റോക്സ് ഇതുവരെ അന്താരാഷ്ട്ര ക്രിക്കറ്റ് കളിച്ചിട്ടില്ല. ആഷസില് നിന്ന് ഒഴിവാക്കിയ താരത്തോട് ഫെബ്രുവരി 13നു കോടതിയില് ഹാജരാകാന് പറഞ്ഞിരുന്നു. ഐപിഎല് ലേലത്തില് പേര് ചേര്ത്ത താരം ഐപിഎലിലെ ഏറ്റവും ഉയര്ന്ന തുക ലഭിച്ചേക്കാവുന്ന താരങ്ങളില് ഒന്നാണ്.
നിയമ നടപടികള് കാരണം സ്റ്റോക്സിനു ഐപിഎല് നഷ്ടമാവുകയാണെങ്കില് ഫ്രാഞ്ചൈസികള്ക്ക് പകരം താരത്തെ തിരഞ്ഞെടുക്കാനാകുമെന്നാണ് അറിയുവാന് കഴിയുന്നത്. സ്റ്റോക്സിനു അനുമതി ഇംഗ്ലീഷ് ക്രിക്കറ്റ് ബോര്ഡ് നല്കിയിട്ടുണ്ടെങ്കിലും കേസിന്റെ ഭാവി എന്താകുമെന്ന് ബോര്ഡിനും വലിയ പിടി ഇല്ല.
കൂടുതൽ കായിക വാർത്തകൾക്ക് : www.facebook.com/FanportOfficial
