ബൗളിംഗിൽ മാറ്റം വരുത്തി നോക്കിയിട്ടും ഫലം ഉണ്ടായില്ല എന്ന് RCB ക്യാപ്റ്റൻ ഫാഫ് ഡു പ്ലസിസ്. ബൗളർമാർക്കും ടീമിനും ആത്മവിശ്വാസം കുറവാണ് എന്നും ആത്മവിശ്വാസം കുറവാണെങ്കിൽ ഇതാകും മത്സരത്തിൽ സംഭവിക്കുക എന്നും ഫാഫ് ഡു പ്ലസിസ് ഇന്ന് മത്സര ശേഷം പറഞ്ഞു. ഇന്ന് സൺ റൈസേഴ്സിന് എതിരെ 287 എന്ന റെക്കോർഡ് ടോട്ടൽ ആയിരുന്നു ആർ സി ബി ബൗളർമാർ വഴങ്ങിയത്.
“ഞങ്ങളിൽ നിന്ന് കൂടുതൽ മെച്ചപ്പെട്ട ബാറ്റിംഗ് പ്രകടനം കാണാൻ ആയി, പക്ഷേ 280 വളരെ അകലെയുള്ള സ്കോർ ആണ്. ഇത് വളരെ കഠിനമാണ്.” ഫാഫ് പറഞ്ഞു
“ഞങ്ങൾ ബൗളിംഗിൽ കുറച്ച് കാര്യങ്ങൾ പരീക്ഷിച്ചു, ഞങ്ങൾ വ്യത്യസ്തമായ കാര്യങ്ങൾ പരീക്ഷിച്ചു. പക്ഷെ ഒന്നും മാറിയില്ല നിങ്ങളുടെ ആത്മവിശ്വാസം കുറയുമ്പോൾ ഇതാണ് സംഭവിക്കുക.” ഫാഫ് പറഞ്ഞു.
“ഫാസ്റ്റ് ബൗളർമാർ ഈ പിച്ചിൽ വളരെ ബുദ്ധിമുട്ടി. ഞങ്ങൾ കുറച്ച് മേഖലകളിൽ പ്രവർത്തിക്കേണ്ടതുണ്ട്. പവർപ്ലേയ്ക്ക് ശേഷം റൺ റേറ്റ് കുറയുന്നില്ലെന്ന് ഉറപ്പാക്കേണ്ടതുണ്ട്. ഞങ്ങളുടെ ബാറ്റർമാർ ഒരിക്കലും വിട്ടുകൊടുത്തില്ല. ബൗളിംഗിൽ 30-40 റൺസ് അൽപ്പം കൂടുതൽ ഞങ്ങൾ നൽകി.” ഫാഫ് പറഞ്ഞു.