മൊഹ്സിന്‍ ഖാനിനെ നെറ്റ്സിൽ ഒരു മാസം മുമ്പാണ് താന്‍ നേരിട്ടതെന്നും അതിന് ശേഷം താന്‍ താരത്തിനെതിരെ നെറ്റ്സിൽ കളിക്കുവാന്‍ താല്പര്യപ്പെടുന്നില്ല എന്നതാണ് സത്യം എന്ന് പറഞ്ഞ് ലക്നൗ സൂപ്പര്‍ ജയന്റ്സ് നായകന്‍ കെഎൽ രാഹുൽ. താരം നെറ്റ്സിൽ ഷാര്‍പ്പും ഭയപ്പെടുത്തുന്ന പേസിൽ പന്തെറിയുന്ന വ്യക്തിയാണെന്നും എന്നാൽ അത് മാത്രമല്ല ബുദ്ധിയുപയോഗിച്ച് പന്തെറിയുന്ന വ്യക്തി കൂടിയാണ് മൊഹ്സിന്‍ എന്ന് കെഎൽ രാഹുല്‍ വ്യക്തമാക്കി.
പല ടീമിന്റെയും ഭാഗമായി താരം രണ്ട് വര്‍ഷത്തോളം ഉണ്ടായിരുന്നുവെങ്കിലും അവസരം ലഭിച്ചിരുന്നില്ലെന്നും ലഭിച്ച അവസരം താരം ഇപ്പോ‍ള്‍ ഉപയോഗിക്കുകയാണെന്നും രാഹുല്‍ കൂട്ടിചേര്‍ത്തു. സമ്മര്‍ദ്ദത്തിലും താരം മികച്ച ഓവറുകള്‍ ടീമിനായി പുറത്തെടുത്തിട്ടുണ്ടെന്നും അത് ഇനിയും തുടരുമെന്നാണ് പ്രതീക്ഷിക്കുന്നതെന്നും രാഹുല്‍ സൂചിപ്പിച്ചു.
