മുംബൈ ഇന്ത്യൻസിന് എതിരെ ചെന്നൈ സൂപ്പർ കിംഗ്സിന്റെ വിജയശില്പിയായ പതിരണ ധോണിയുടെ വാക്കുകൾ ആണ് മുംബൈ ഇന്ത്യൻസിന് എതിരെ തനിക്ക് സഹായമായത് എന്ന് പറഞ്ഞു. മുംബൈക്ക് എതിരെ നാലു വിക്കറ്റു വീഴ്ത്തി പ്ലയർ ഓഫ് ദി മാച്ച് ആകാൻ പതിരണയ്ക്ക് ആയിരുന്നു.
“പവർപ്ലേയിൽ പന്തെറിയുമ്പോൾ, ഞാൻ വളരെ ടെൻഷനിൽ ആയിരുന്നു. അപ്പോൾ ധോണി ഭായ് പറഞ്ഞ വാക്കുകൾ തനിക്ക് സഹായകമായി. ധോണി തന്നോട് ശാന്തനായി നിൽക്കാനും ഞാൻ സ്ഥിരം പന്തുകൊണ്ട് ചെയ്യുന്ന കാര്യം ചെയ്യാനും പറഞ്ഞു. ഇതാണ് എനിക്ക് ആത്മവിശ്വാസം നൽകിയത്.” പതിരണ പറഞ്ഞു.
“പന്ത് എറിയുമ്പോൾ ആ പന്തിന്റെ ഫലം എന്താകും എന്നതിനെ കുറിച്ച് ഞാൻ അധികം ചിന്തിക്കാറില്ല, എൻ്റെ എക്സിക്യൂഷൻ ശരിയാക്കാൻ ആണ് താൻ നോക്കാറ്. അത് നന്നായാൽ എനിക്ക് എൻ്റെ പ്രതിഫലം ലഭിക്കും.” പതിരണ പറഞ്ഞു.