ധോണിയിൽ നിന്ന് സിക്സ് വാങ്ങണം എന്ന് ആഗ്രഹിക്കുന്നത് പോലെയാണ് ഹാർദിക് പാണ്ഡ്യ ബൗൾ ചെയ്തത് എന്ന് സുനിൽ ഗവാക്സർ. ധോണിക്ക് എതിരായ ഹാർദികിന്റെ ബൗളിംഗിനെ വിമർശിക്കുക ആയിരുന്നു സുനിൽ ഗവാസ്കർ. ഹാർദിക് അവസാന ഓവറിൽ ധോണിക്ക് എതിരെ ബൗൾ ചെയ്ത് 4 പന്തിൽ 20 റൺസ് വഴങ്ങിയിരുന്നു.
തൻ്റെ പ്രിയപ്പെട്ട സീനിയറിന് ഹാർദിക് മനഃപൂർവം മോശം പന്തുകൾ എറിഞ്ഞതായി തോന്നുന്നുവെന്ന് ഗവാസ്കർ പ്രകോപിതനായി പറഞ്ഞു.
“ഒരുപക്ഷേ, വളരെക്കാലമായി ഞാൻ കണ്ടിട്ടുള്ളതിൽ വച്ച് ഏറ്റവും മോശം തരത്തിലുള്ള ബൗളിംഗ് ആണ് ഹാർദികിൽ നിന്ന് കണ്ടത്. എൻ്റെ ഹീറോയ്ക്ക് സഹായകമാകുന്ന ബൗൾ ചെയ്യാം എന്ന രീതിയിൽ അദ്ദേഹം ബൗൾ ചെയ്തതായി എനിക്ക് തോന്നുന്നു.” ഗവാസ്കർ പറഞ്ഞു.
“അവൻ സിക്സറുകൾ അടിക്കാൻ പറ്റുന്ന തരത്തിലുള്ള ഡെലിവറികൾ ആണ് ഹാർദിക് എറിഞ്ഞു കൊടുത്തത്. ഒരു 6 ആണെങ്കിൽ ശരി. ഇത് മൂന്നെണ്ണമാണ്. തികച്ചും മോശം ബൗളിംഗും, മോശം ക്യാപ്റ്റൻസിയും” ഗാവസ്കർ പറഞ്ഞു.