ചെന്നൈ സൂപ്പർ കിംഗ്സ് ക്യാപ്റ്റൻ മഹേന്ദ്ര സിംഗ് ധോണിക്ക് പിഴ. ഇന്നലെ ഡെൽഹി ക്യാപിറ്റൽസിന് എതിരായ മത്സരത്തിലെ സ്ലോ ഓവർ റേറ്റിനാണ് ധോണി നടപടി നേരിടുന്നത്. 12 ലക്ഷം രൂപ ധോണി പിഴ ആയി അടക്കണം. ടൂർണമെന്റിലെ ആദ്യ സംഭവം ആയതുകൊണ്ടാണ് ഈ പിഴ. ഇനി സ്ലോ ഓവർ റേറ്റ് ആവർത്തിച്ചാൽ വലിയ പിഴ തന്നെ ധോണി നേരിടേണ്ടി വരും.
ഇന്നലെ ഡെൽഹി ക്യാപിറ്റൽസിന് എതിരായ മത്സരത്തിൽ ധോണി ബാറ്റ് കൊണ്ടും പരാജയപ്പെട്ടിരുന്നു. ഡെക്കിൽ ആണ് ചെന്നൈ ക്യാപ്റ്റൻ പുറത്തായത്. വലിയ സ്കോർ പടുത്ത് ഉയർത്തിയിട്ടും ആ സ്കോർ പ്രതിരോധിച്ച് വിജയിക്കാനും ധോണിയുടെ ടീമിന് ഇന്നലെ ആയില്ല.