കൊൽക്കത്ത നൈറ്റ്റൈഡേഴ്സിനെതിരായ മത്സരത്തിനു മുന്നോടിയായി ഡെൽഹിയിലേക്ക് യാത്ര ചെയ്ത ഡൽഹി ക്യാപിറ്റൽസ് ടീമിന്റെ ബാറ്റുകളും കിറ്റ് ഉപകരണങ്ങളും മോഷ്ടിക്കപ്പെട്ടതായി റിപ്പോർട്ട്. ബെംഗളൂരുവിൽ നിന്ന് വന്ന ടീമിന് ഈ യാത്രക്ക് ഇടയിൽ വിമാനത്താവളത്തിൽ വെച്ചാണ് ഈ ദുരനുഭവം നേരിടേണ്ടി വന്നത്.
ലീഗിൽ ഇതുവരെ ഒരു ജയം നേടാൻ ആകാതെ കഷ്ടപ്പെടുന്ന ഡെൽഹിക്ക് മറ്റൊരു തിരിച്ചടിയായി ഈ മോഷണം. .ഡൽഹി ക്യാപിറ്റൽസ് ടീമിന്റെ ലഗേജിൽ നിന്ന് മോഷ്ടിക്കപ്പെട്ട ഒന്നിലധികം ബാറ്റുകളും പാഡുകളും മറ്റ് സാധനങ്ങളും നഷ്ടപ്പെട്ടിട്ടുണ്ട്. ഇതിൽ ഡേവിഡ് വാർണറിന്റെ മൂന്ന് ബാറ്റുകളും ഉൾപ്പെടുന്നു. 16 ബാറ്റുകൾ ആണ് ആകെ നഷ്ടപ്പെട്ടത്. ഡെൽഹി ക്യാപിറ്റൽസ് ഈ വിഷയത്തിൽ പരാതി നൽകിയിട്ടുണ്ട്.