2021 ഐപിഎലിനായി ചെന്നൈ സൂപ്പര്‍ കിംഗ്സ് രണ്ട് യുവ താരങ്ങളെ റിസര്‍വ് പട്ടികയില്‍ ഉള്‍പ്പെടുത്തി. ശ്രീലങ്കന്‍ ബൗളര്‍മാരെയാണ് റിസര്‍വ് പട്ടികയില്‍ ഫ്രാഞ്ചൈസി ഉള്‍പ്പെടുത്തിയതെന്നാണ് അറിയുന്നത്. മഹീഷ് തീക്ഷണയും മതീഷ പതിരാനയും ആണ് ചെന്നൈ സൂപ്പര്‍ കിംഗ്സ് റിസര്‍വ് ലിസ്റ്റില്‍ ഇടം പിടിച്ച താരങ്ങള്‍.
ചെന്നൈയുടെ മത്സരങ്ങള്‍ ചെന്നൈയില്‍ നടക്കില്ല എന്ന് ഉറപ്പായതോടെയാണ് ഫ്രാഞ്ചൈസിയുടെ ഈ തീരുമാനം എന്നാണ് അറിയുന്നത്. ഇതില്‍ മതീഷ പതിരാന മലിംഗയുടെ ശൈലിയില്‍ പന്തെറിയുന്ന താരമെന്നാണ് അറിയുന്നത്. മഹീഷ തീക്ഷണ അജന്ത മെന്‍ഡിസിന്റെ ശൈലിയില്‍ പന്തെറിയുന്ന താരമാണ്.
